sabato 2 gennaio 2010

Sancto Ianne - 'A Carmagnola - inno dei sanfedisti del cardinal Ruffo!




« A lu suono d'a grancascia
viva lu popolo bascio
A lu suono d'e tamburrielli
so' risorte 'e puverielli
A lu suono d'e campane
viva viva li pupulane
A lu suono d'e viuline
morte alli Giacubbine.
Sona sona
sona Carmagnola
sona li cunsiglia
viva 'o rre cu la Famiglia.
A sant'Eremo tanto forte[1]
l'hanno fatto comm'a ricotta
A 'stu curnuto sbrevognato
l'hanno mis'a mitria 'ncapa
Maistà chi t'ha traduto?
chistu stommaco chi ha avuto?
'e signure, 'e cavaliere
te vulevano priggiuniere.
Sona sona
sona Carmagnola
sona li cunsiglia
viva 'o rre cu la Famiglia.

Alli tridece de giugno[2]
sant'Antonio gluriuso
'E signure, 'sti birbante
'e facettero 'o mazzo tante
So' venute li Francise
aute tasse n'ci hanno mise
Liberté... Egalité...
tu arruobbe a me
io arruobbo a te.
Sona sona
sona Carmagnola
sona li cunsiglia
viva 'o rre cu la Famiglia.

Li Francise so' arrivate
ci hanno bbuono carusate
E vualà e vualà
cavece 'n culo alla libbertà
A lu ponte d'a Maddalena[3]
'onna Luisa è asciuta prena[4]
e tre miedece che banno
nun la ponno fa' sgravà.
Sona sona
sona Carmagnola
sona li cunsiglia
viva 'o rre cu la Famiglia.

A lu muolo senza guerra
se tiraie l'albero[5] n' terra
afferraino 'e giacubbine
'e facettero 'na mappina.
È fernuta l'uguaglianza
è fernuta la libertà
pe 'vuie so' dulure e panza
signò iateve a cuccà.
Sona sona
sona Carmagnola
sona li cunsiglia
viva 'o rre cu la Famiglia.

Passaie lu mese chiuvuso[6]
lu ventuso e l'addiruso
a lu mese ca se mete
hanno avuto l'aglio arrete
Viva tata maccarone
ca rispetta la religgione
Giacubbine iate a mare
ch' v'abbrucia lu panare.
Sona sona
sona Carmagnola
sona li cunsiglia
viva o rre cu la Famiglia. »


Note

1 - Forte Sant'Elmo, a Napoli
2 - festa di Sant'Antonio da Padova, in cui l'esercito della santa fede sbaragliò le ultime difese della Repubblica Partenopea
3 - Luogo dell'ultima resistenza dei repubblicani napoletani, prima dell'ingresso dei sanfedisti in città
4 - Luisa Sanfelice, che cercò di farsi credere incinta per evitare la pena capitale
5 - L' Albero della libertà, simbolo rivoluzionario innalzato a Napoli in Piazza dei Martiri, come in tutti i territori conquistati dall'esercito francese
6 - anche il calendario repubblicano, con i nomi dei mesi ispirati al clima di Parigi (piovoso, ventoso, etc.) era stato imposto ai napoletani

Nessun commento:

Posta un commento